الجمعة , 18 سبتمبر 2020
مدرسة دريم للتربية الفكرية لذوي الإحتياجات الخاصة هي بيت الأسرة العصري

مدرسة دريم للتربية الفكرية لذوي الإحتياجات الخاصة هي بيت الأسرة العصري

أجرى الحوار : على رضـــــــوان – محمد حسين زغلة

نص الحوار:

من داخل مدرسة دريم للتربية الفكرية لذوي الإحتياجات الخاصة كان لنا هذا الحوار مع الأستاذة منال صبرى لنتعرف منها عن أهداف المدرسة وكل التفاصيل الخاصة عن المدرسة .

فى البداية نريد منك التعرف على المدرسة وأهدفها ؟

مدرسة دريم للتربية الفكرية لذوي الإحتياجات الخاصة هذه المدرسة تخدم الأولاد ذوى الإعاقات العقلية المتوسطة والبسيطة فهي مدرسة يومية، وداخلية تقدم برامج تربوية وتعليمية مصرية وكندية وبريطانية متخصصة في تلبية إحتياجات الطلاب الذين تم تشخيص حالاتهم بأنهم ذوي صعوبات تعلم أو مصابون بتشتت الانتباه وفرط الحركة، أو متلازمة داون، أو مرض التوحد، أو بطيء التعلم أو أن قدراتهم العقلية منخفضة وأيضاً تقدم مدرسة دريم للتربية النموذجية توصيات علاجية وأكاديمية وشاملة ومنظمة , وذلك من خلال برامج إثراء متكاملة تهدف إلى تعزيز الثقة بالنفس واحترام الذات والرغبة في تحمل الأولاد .

كيف يتم استقبال الأولاد ؟

– الأولاد تتراوح أعمارهم من 4 سنوات وحتى 25 عام , بيتم استقبال الأولاد في البداية بالتقييم المبدئي من قبل الأخصائيين وبعد ذلك يتم توزيعهم على الفصل المناسب , ثم يتم تقيمه من قبل المُدرسة من خلال ملاحظته لمدة 15 يوم , ثم تقوم بوضع الخطة الفردية , ومناقشة الخطة الفردية مع أولياء الأمور والذي يقومون بالمشاركة في وضع الخطة من خلال الهدف الذي يريدون تزويده لأبنائهم في حدود إمكانيات الأولاد وليس أعلى من إمكانياتهم.

ماهى أنواع البرامج المتبعة ؟

 – يتم تنفيذ الخطة الموضوعة من قبل المدرسين بالفصول والأخصائيين وذلك من خلال برامج للعلاج الطبيعي , والعلاج الوظيفي , وفي أيضاً تدخل سلوكي , والتربية البدنية والميوزك حيث
كل اسبوع الأولاد بيطلعوا مول العرب , وبيعملوا شوبنج وعندهم أيضاً كيونج كل اسبوع والأولاد التأهيل عندهم برن تنج كل اسبوع والمدرسة كلها بتذهب لعمل سوينج كل اسبوع .

 

ماذا برنامج الأولاد فى الداخلي ؟

– الأولاد الداخلي يبدأ يومهم من الساعة 2 حتى الساعة 10مساءاً ويقسم بعد الفترة النهارية كالتالي  من الثانية وحتى الثانية ونصف غداء , بعد ذلك راحة حتى الساعة الثالثة , ومن الساعة الثالثة حتى الساعة الخامسة نشاط بعد الظهر مع المدرسين لمراجعة الأنشطة اللي حصلوها في الفترة الصباحية , ثم بعد ذلك بيصعدوا الأولاد لفوق الجناح الخاص بيهم لكي ياخدوا شاور ويقعدوا شويه ثم يتناولوا العشاء ويذهبوا للنوم.

ماهى أنواع الأنشطة التي تقدم بالمدرسة ؟

كل شهر يقدم نشاط للأولاد نقدم نشاط ” اليوم الدولي ” كل فصل يختار دولة من أولها لأخرها بكل معالمها مصل الزى الخاص بيها ونوعية أكلها وكل حاجه خاصة بهذه الدولة , نقدر نقول إننا بتدخل على الأولاد حاجات جديدة وهذا بالإضافة للخطة انه عرفوا دولة ديه وليكن الدولة دية اسمها مصر أوالدولة ديه اسمها جبوتي أو فرنسا , وهكذا ويبدأ تبادل الزيارات بين الفصول وبعضها .

وهكذا نشاط أخر مصل ” اليوم المهني ” نلاحظ فصل اختار المزراع أو أتيليه أو الشيف وفصل اختار النقاش وفعلا الأولاد الكبار بيضوا فصلهم ونفذوه فعلا .
أخر نشاط قدمناه وكان من يومين كان ” يوم الألوان ” كل فصل اختار لون معين واشتغل علي اللون ده من أوله لأخره الزى شكله لون الفصل والأكل يعنى لون افترضنا إننا اختارنا اللون الأصفر كل الفصل هيلبس اللون الأصفر الستائر بيكون لونها اصفر الأكل لونه كمان لونه أصفر يعنى اللون موحد في كل شيء بحيث الأولاد لو إحنا مش حاطينه في خطتهم إن ده اللون الأصفر إحنا بندعمهم وكأن بنزود عليهم حاجه تانيه.

إن شاء الله في الأيام اللي جاية عندنا برضوا نشاط ” اليوم الرياضي ” وهيكون في نادى دريم هيحصل فيه أنشطة رياضية وهيكون في زى اكتشاف مواهب رياضية في حاجات جمعي وفى حاجات فردية .

  ماذا عن أيام الاحتفالات ؟

– إن شاء الله هنحتفل  بيوم ” الدوان ” يوم 21 مارس هو عيد الأسرة وفى نفس الوقت عيد الداون هنحتفل إن شاء الله بالعيدين معا يوم ” 21 مارس ” بس أحيانا أولياء الأمور غير متفاعلين معنا بصورة قوية احتمال عندهم أولاد أكتر الله اعلم بظروف كل واحد ,ولكن مش هنفوت الفرصة وهنحتفل بالعيدين وبنفكر نعملهم شجرة ونجيب أسمائهم ونلصق صورهم على الشجرة ونحتفل بيها ونضع الشجرة في الريسبشن من حقهم إننا نحتفل بيهم ده يوهم وفى نفس الوقت هنحتفل برضوا بعيد الأسرة وبعدها بأسبوع هيكون عندنا  ” اليوم الرياضي ” وفى أخر العام إن شاء الله هيكون عندنا يوم الحفلة النهائية إن شاء الله كل أولاد المدرسة هيشتركوا فيها حسب إمكانياتهم .

فكل هذه الأيام التي ذكرناها محددة مسبقاً وعلاوة على ” يوم الصحة ” وهو يوم 7 إبريل القادم , وكل ذلك يحدث في كل شهر بالنسبة لأيام الأنشطة , وهناك تنوع للأفكار , وحريصين في هذا الأيام المذكورة على مخالفة القوانين ” أى كسر الملل والرتابة , وفى هذه الأيام بيحصل تبادل للزيارات بين الفصول وبعضها أى بيحدث دمج اجتماعي مابين الأولاد الفصل الواحد مابين الفصول المجاورة .

هل يوجد تقارير تقدم ولمن تقدم ؟

– إحنا بترسل للأولياء الأمور الخطة خلال السنة وفى نصف السنة بنرسل ليهم تقرير الترم الأول , وفى أخر العام نرسل التقرير الشامل كله وبيكون مفصل فيه كل الأحداث خلال العام علاوة إن يومياً أو على الأقل ثلاث أيام في الأسبوع المدرسين بيكتوبوا في الكومنيكشن عندهم إيه اللي حصل مع الأولاد بيتطور إزاى ومش كل يوم بيحصل حاجه جديدة ممكن بيقى كل يوم لما بيحصل حاجه إضافية ولكن ثلاث أيام هو الأفضل .

ماذا عن المتابعة الصحية للأولاد ؟

– يوجد بالمدرسة أطباء لمتابعة الحالة الصحية للأولاد .. دكتور رشدي دكتور مسئول العلاج طبيعي والدكتور يسرى دكتور المخ والأعصاب , والدكتور علاء الإعلام الوظيفي والدكتور عماد هو دكتور نفسي في الجامعة وده بيتواجد يومين فى الأسبوع .

ماهو نظام المعيشة بالنسبة للأولاد الداخلي ؟

– المعيشة بالنسبة للداخلي الولد بيكون معاه المدرس وبيقيم معاه فى نفس الغرفة وكان فى بعض أولياء الأمور رفضين هذا ولكننا أقنعناهم أن ممكن يحصل حاجه ويقوم بالليل ويعمل أى مشكلة فلازم يكون تحت الرقابة طول الليل , الداخلي عندنا تحت الراقبة المستمرة ومزودة بكاميرات يعنى تحت الأنظار لأنهم أمانه عندنا فالجانب الإنساني فى شغلتنا اكبر وأهم من أى شيء وفى المقام الأول , كما إن الاعتناء بجميع الأولاد مثل بعض سواء الولد اللي أسرته بتسئل عليه أو اللي مابتسئلش.

هل يوجد زيارات للأولاد ؟

فى البداية خالص أول ما الولد بيلتحق بالمدرسة ممنوع الزيارات الا بعد مضى 15 يوم حتى يتعود على نظام جديد غير المتعود عليه فى البيت ” واخد راحته بيأكل فى أى وقت بيتفرج على التلفزيون ” وكمان لو شاف أسرته هيتمسك بيهم , ولكن بعد مضي الـ 15 يوم بياخدوه زيارة خميس وجمعة ويجبوه يوم السبت الصبح , وليهم رحله يوم السبت من كل اسبوع على مستوى الطلبة كلهم

أما الطلبة اللي أسرتها مش متواجدة فى مصر أحيانا بيحضروا فى نصف العام وبياخدوهم كما حدث مع ولى أمر طالب من السعودية وقال أنا عايز أخد ابني وفعلا اخده واحنا ولم نرسل معه واجبات ولا أى شيء علشان يقدر ينبسط بقدر المستطاع , وعرفنا أن الولد قال أنا عايز أروح المدرسة  

فى انتماء للمدرسة وتعلق بيها ووده راجع لشباب الداخلي لأنهم بيعملوهم كأنهم ولادهم أو أخوتهم.

 بعد انقضاء فترة الدراسة بالمدرسة

نحن مازلنا فى مرحلة التأهيل وأصلاً المدرسة كانت بتتعمل من السنه الماضية مع مصانع كان الأولاد بيذهبوا يتدربوا فى مصنع على أعمال خفيفة على أساس أنهم بعد ذلك يتأهلوا ويشتغلوا فى وظائف الكبيرة .

لماذا يتم إقامه المدرسين بالمدرسة مع الطلبة ؟

 كل شباب الداخلى متخصصين ولو اضطرينا وأخدنا مدرس مش متخصص دلوقتى إحنا بعمل عميلة  إحلال وتبديل لان هو ده وقته

المدرس مقيم معانا خمسة أيام وليه يومين أجازة فى الأسبوع عادى بس اليومين بيحددوا حسب طبيعة شغله فى الفصل لو هو مساعد اساسى أو رئيسي فبنرحل أجازته جمعة وسبت فى حالة ديه بنستفيد منه الخمسة أيام وفى نفس الوقت بياخد حقه , وفى مدرس تانى بيغطى بيستلم الطالب استلام وتسلم بورقه وبعهدة وكل حاجه وأدوية ولو فى ملاحظات جدت على الطالب بيذكرها فى  التقرير اللي احنا عاملين نظام ” كومنيكيشن ” كل ولد عنده كومنيكيشن الخاص به لأن مدرس الداخلى يعتبر بمثابة البيت وهو بيقوم بدور ألام والأب موضوع هنا منظم جداً علاوة على التواصل المستمر بين المدرسين من خلال الطلبة.

ماهى مناهج التي تدرس والاختبارات للأولاد ؟

– احنا أول حاجه فى البداية الولد بيتم تقييم الطالب من خلال إمكانياته العقلية من خلال الملاحظات  والتقييمات مدرسين الفصول بتحددوا المستوى اللي هيدرسه الأولاد إذا كان بيشيروا للون ولا يستطيعوا نطقه تتعامل مع الهدف من هذا المنطلق وإذا كان الأولاد بيعد عد الآلي وإحنا محتاجين أنهم يعدوا العد بالأرقام مثل واحد , اتنين , تلاته فمن هنا يبدأ وضع طريقة التدريس لهم .

التعليقات

التعليقات

اضف رد

لن يتم نشر البريد الإلكتروني . الحقول المطلوبة مشار لها بـ *

*